کندهار کې دڅارویو د داخلي چنجیو د درملنې کمپاین پیل شو
![کندهار کې دڅارویو د داخلي چنجیو د درملنې کمپاین پیل شو](https://www.mail.gov.af/sites/default/files/2019-07/67488361_2617244258300158_2691206231132995584_n.jpg)
۸ زمری ۱۳۹۸
د کندهار ولایت د کرنې، اوبولګولو او مالدارۍ ریاست چارواکي وایي چې، د ملګرو ملتونو دخوړو او کرنې سازمان «FAO» او « MEDEAR » موسسې په همکارۍ ددې ولایت د درېوو ولسوالیو «ارغنداب، تخته پل او سپین بولدک» د هغو وچکالۍ ځپلو مالدارانو د مالونو د خوندي کولو په پار چې د یادو ادارو له خوا ورته د څارویو خوراکي توکي وېشل شوې وه د داخلي چنجیو ضد درملو د وېش کمپاین پیل شوې ده. د کندهار د کرنې ریاست وایي، چې په دې لړۍ کې به مالدارو کورنیو ته د مالونو د خوندي کولو په پار د داخلي چنجیو ضد درمل ورکړل شي، تر څو د دوی مالونه له دې ناروغۍ څخه خوندي شي.
دغه درمل د کندهار د کرنې ریاست د هلو ځلو په ترڅ کې د ملګرو ملتونو دخوړو او کرنې سازمان «FAO» او « MEDEAR » موسسې په همکارۍ چمتو شوې، ترڅو د څاریو د خوندیتابه کچه لوړ شي.
باید وویل شي چې، له ناروغیو سره د مبارزې په موخه د یاد کمپاین په پلي کېدو سره له یوې خوا د څاریو په منځ کې د وژونکو ناروغیو د خپراوي مخه نیول کیږي او له بلې خوانه د څارویو په منځ کې د تولید کچه هم لوړیږي.