د لوګر دکرنې ریاست: د ځمکې غصب مخنیوی او غصب شویو ځمکو د بېرته راګرځولو کمېټې د همغږۍ غونډه وشوه
۳ سلواغه ۱۴۰۱ه.ش
۳۰ جُمادیَ الثّاني ۱۴۴۴ ه.ق
د لوګر ولایت د کرنې، اوبولګولو او مالدارۍ رییس مولوی سید امین هاشمي او د غصب مخنیوی او ځمکو د استرداد تخنیکي پلاوی مشر په داسې حال کې چې ددغه پلاوی غړو یې هم ملتیا کوله د یاد ولایت د استیناف محکمې له رییس مولوی روح الله عبدالسلام او د ځانګړې (اختصاصي) ټاکل شوې محکمې له مسؤولینو سره د همغږی ناسته وکړه.
په جوړه شوی ناسته کې پرېکړه وشوه تر څو په ګډه به د دغه پلاوي چارې روانې ساتیي او د موضوع اړوند معلومات به په خپل وخت شریکوي، تر څو پکې ځنډ او خنډ واقع نشي.
