تورخم کې د نباتي او حیواني محصولاتو قرنطین مرکز څخه څارنه
۱ سلواغه ۱۴۰۱ه.ش
۲۸ جُمادیَ الثّاني ۱۴۴۴ ه.ق
د ننګرهار د کرنې، اوبولګولو او مالدارۍ ریس مولوی عبدالستار محمد د ورځنیو کارونو د شفافیت او چټکتیا په موخه د تورخم بندر د حیواني او نباتي د صادراتي او وارداتي محصولاتو قرنطین مرکز څخه لیدنه وکړه.
ددې کتنې په ترڅې کې د ننګرهار دکرنې رییس مولوی عبدالستار محمد اړوند چارواکو ته لازمې لارښوونې وکړې او زیاته یې کړه:«ټول هغه نباتي او حیواني محصولات چې له هېواده بهر صادرېږې او یا هېواد ته واردېږي باید په سمه توګه کنټرو، تفتیش او معاینه شي.»
ښاغلی عبدالستار محمد وویل، چې باید هغه حیواني او نباتي محصولاتو ته اجازه ورنکړل شي، چې د خپل هېواد صحي سرټیفیکېټ و نلري، ترڅو د حیواني او نباتي ناروغیو د لېږد مخه ونیول شي.
