د میدان وردګو ولایت د غصب د مخنیوي او غصب شوو ځمکو د استرداد تخنیکي پلاوی عملي چارې
۲۲ مرغومې ۱۴۰۱ه.ش
۱۹ جُمادیَ الثّاني ۱۴۴۴ ه.ق
د میدان وردګو ولایت د غصب د مخنیوي او غصب شوو ځمکو د استرداد تخنیکي ټیم د لازمو پرېکړو د عملي کولو په پار ددې ولایت د مرکز میدان ښار اړوند شهر نو پروژې څخه لیدنه وکړه.
په دې کتنه کې د میدان وردګو ولایت دکرنې رییس او دتخنیکي پلاوی رییس مولوی عبدالجبار خالد، د عدلیې رییس، مولوی مطیع الحق عثمان، دقوماندانۍ محترم مرستیال مولوی الله نورناصح، دڅارنوالۍ رییس مولوی محمدبصیر محمدي، د ښار جوړونې رییس مولوی عبدالقیوم سیف العمر، دحج اوقافو محترم رییس مولوی محمدنبي محمدي، د میدان وردګو ولایت ښاروال مفتي ظابت حارث، د میدان وردګو ولایت مستوفي مفتي عبدالخالق حقاني، دکاراوټوله نیزوچارو رییس حاجي اقبال، دقضایای امارت آمر رازمحمد حلیم، د اراضي دکدستر مدیر انجنر دواجان مجاهد شتون درلود، چې د میدان وردګو ولایت د مرکز میدان ښار اړوند د شهر نو ښارګوټې څخه د لیدنې په ترڅ کې د سیمې له اوسیدونکو او مشرانو سره وکتل.
یاد ښارګوټۍ چې ټول نږدې ۵۸۰ جریبه ده او امارتي املاک دی، د خلکو له خوا غصب شوی دی. په دې لیدنه کې یوشمېر غاصبین معلوم او د نورو اجراآتو لپاره د میدان وردګو ولایت دکرنې ریاست ته راوغوښتل شول. دغه راز د تخنیکي پلاوي غړو د سیمې له خلکو وغوښتل، چې د محکمې تر وروستۍ پرېکړې پورې دې په سیمه کې تصرفات بند کړي.
باید وویل شي، چې د ځمکو د غصب د مخنيوي کميټې تر دې دمه په میدان وردګو ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
