سروبي کې د انارو ۱۰ جریبه معیاري بڼ جوړېږي
۱۱ مرغومې ۱۴۰۱ه.ش
۸ جُمادیَ الثّاني ۱۴۴۴ ه.ق
دکابل دکرنې، اوبولګولو او مالدارۍ ریاست وایي، چې ددې ولایت د سروبي ولسوالی دشنې غونډۍ په سیمه کې د د خوړو نړیوال پروګرم (WFP) په مالي ملاتړ د انارو ۱۰ جریبه معیاري بڼ جوړولو چارې پیل شوي دي.
د چارواکو په خبره دا بن د روپاني فاونډېشن له خوا جوړېږي او په دې بڼ کې به دوه زره د اناور نیالګي کېنول شي. ددې بڼ په جوړولو کې ۳۰۰ کسانو ته کار زمینه برابره شوې ده.
د کابل دکرنې، اوبولګولو او مالدارۍ ریاست وایي، چې ددې ولایت د سروبي په ولسوالی کې د کرنې اړوند د نورو پراختیایي پروژو چارې هم په چټکۍ روانې دي، چې پرخپل وخت به بشپړ او ګټې اخیستنې ته به وسپارل شي.
د کابل ولایت د سروبي ولسوالی د کرنې مدیریت چارواکي وایي، چې د روپاني فاونډیشن له خوا ددې ولایت په بېلابېلو سیمو کې د کرنې اړوند پراختیایي پروژې پیل شوي دي، چې چارې یې ګړندۍ روانې دي، چې یوه یې هم په شنه غونډۍ کې د معیاري بڼ جوړول دی.
دغه پروژې په دې ولسوالی کې د کرنې او بڼوالۍ د پراختیا په پار پلي کېږي.
