د کابل دکرنې ریاست: د سروبي شنې غونډۍ سیمه کې معیاري بڼ جوړېږي
۷ مرغومې ۱۴۰۱ه.ش
۴ جُمادیَ الثّاني ۱۴۴۴ ه.ق
دکابل دکرنې، اوبولګولو او مالدارۍ رایاست وایي، چې د کابل سروبي ولسوالی اړوند شنې غونډۍ سیمه کې د معیاري بڼ جوړولو په پار هلې ځلې روانې دي، چې په یاده سیمه کې د مېوو معیاري بڼ جوړ او د خلکو په چوپړ کې وي.
د کابل دکرنې، اوبولګولو او مالدارۍ ریاست وایي، چې ددې ولایت د سروبي په ولسوالی کې د کرنې اړوند د پراختیایي پروژو چارې په چټکۍ روانې دي، چې پرخپل وخت به بشپړ او ګټې اخیستنې ته به وسپارل شي.
د کابل ولایت د سروبي ولسوالی د کرنې مدیریت چارواکي وایي، چې د روپاني فاونډیشن له خوا ددې ولایت په بېلابېلو سیمو کې د کرنې اړوند پراختیایي پروژې پیل شوي دي، چې چارې یې ګړندۍ روانې دي، چې یوه یې هم په شنه غونډۍ کې د معیاري بڼ جوړول دی.
دغه پروژې په دې ولسوالی کې د کرنې او مالدارۍ د پراختیا په پار پلي کېږي.
