د هلمند ناوې ولسوالی کې پر یوشمېر کورنیو د شېدو غواوې ووېشل شوې
۳ مرغومې ۱۴۰۱ه.ش
۱ جُمادیَ الثّاني ۱۴۴۴ ه.ق
د هلمند دکرنې، اوبولګولو او مالدارۍ ریاست د افغانستان د یتیم پالنې یا (OCAWO) مؤسسې په همکارۍ ددې ولایت د ناوې ولسوالی په پنځو بې سرپرسته یتیمو کورنیو د شېدو غواوې وېشلي دي.
د چارواکو په خبره دغه غواوې له دقیقې سروې وروسته پر هغو کورنیو وېشل شوي دي، چې اقتصادي وضعیت یې خورا خرابه او د کورنۍ سرپرستي د وړو یتیمانو پرغاړه وه.
دغه غواوې په وړیا ډول پر دوی وېشل شوي دي، چې ددې مرستې موخه د بېوزله کورنیو اقتصادي پیاوړتیا او په دې ولسوالی کې د مالدارۍ پراختیا ته زمینه برابرول دي.
