د ننګرهار لعلپورې کې ۴۵۰ بزګران وروزل شول
۱۷ لېندۍ ۱۴۰۱ه.ش
۱۴ جمادي اﻷول ۱۴۴۴ ه.ق
د ننګرهار دکرنې، اوبولګولو اومالدارۍ ریاست چارواکي وایي، چې د «Action Aid» مؤسسې په همکارۍ ددې ولایت د لعلپورې ولسوالی د چکنور، شاه کوټي، ګلډاګ، ګرداوی، صده او هنګرانو کلیو ۴۵۰ بزګران روزلي دي.
د چارواکو په خبره دغه بزګران چې پرې د غنمو اصلاح شوي تخمونه وېشل شوي دي د غنمو کرکیلې، هزره بوټو کنټرول، اوبوخور او کیمیاوي سرو استعمال او ناروغیو د کنټرول په برخه کې روزل شوي دي.
ددې پرورګرام موخه د بزګرانو وړتیاوې لوړول او په ټوله کې د کرنیزو محصولاتو لوړول دي.
