هلمند کې پر ۳۰ وټرنرانو د واکسین ساتلو یخچالونه ووېشل شول 

۱۴  لېندۍ ۱۴۰۱ه‍.ش
۱۱ جمادي اﻷول ۱۴۴۴ ه‍.ق
د هلمند دکرنې، اوبولګولو او مالدارۍ ریاست د «DAI-AVC-L» مؤسسې په همکارۍ ددې ولایت د مالدارۍ د خوندیتوب او پراختیا په پار پر ۳۰ وټرنرانو د واکسین ساتلو ځانګړې یخچالونه وېشلي دي.
د هلمند دکرنې ریاست چاراکي وایي، چې د څارویو واکسینونه باید د حرارت په مشخصو درجو کې وساتل شي، ځکه خو ځانکړې یخچالونو ته اړتیا ده.
له دې مرستې برخمن شوې وټرنران وایي، چې تر دې مخکې دوی په دې برخه کې له ګڼو ستونزو سره مخ ول، چې په دې سره به د دوی ستونزې هوارې او مالدارانو څارویو ته به باکیفیته واکسین ورکړل شي.
ددې مرستې موخه په دې ولایت کې د مالدارۍ سکټور ته پراختیا ورکول او دغه راز د مالدارانو دڅآرویو ناروغیو مخنیوی دی.