هلمند کې د بڼوالو روزنې لړۍ پیل شوی دی

۱۳  لېندۍ ۱۴۰۱ه‍.ش
۱۰ جمادي اﻷول ۱۴۴۴ ه‍.ق
د هلمند ولایت د کرنې، اوبولګولو او مالدارۍ ریاست د کرنیزو چارو امریت اړوند د بوټیو ساتنې او قرنطین مدیریت فني کارمندانو لخوا، ددې ولایت بڼوالو ته په فني ډول د بڼونو د ناروغیو او افتونو د مخنیوي لارې چارې په عملي او نظري ډول ښودلو لړۍ پیل شوې ده چې د مرکز لښکرګاه په شمول ګڼو ولسوالیو کې دوام لري.
په همدې موخه د یادو فني کارمندانو لخوا د باباجي ولسوالی لسګونه بڼوالو ته د باغدارۍ ښې روزنې او د نباتي افتونو مخنیوئ په اړه عامه پوهاوی ورکول سو 
په دې روزنیزه برنامه کې، بڼوالو ته د زیان رسوونکو حشراتو د له منځه وړلو او مخنیوي په هکله هر اړخیزې زده کړې ورکول کیږي. 
ددې ترڅنګ د وقايوي او ترکيبي درملو او يوريا سپري دجوړولو او استعمالولو وختونه بڼوالو ته ښودل کیږي.
ددې روزنیز پرورګرام موخه د باغونو ښې روزنې تر څنګ  د میوه یي بڼونو د ناروغیو او افتونو مخنیوی او د کیفیت او کمیت له پلوه د یادو بڼونو د حاصلاتو ښه کول دي.
د یادونې وړ ده چې د هلمند ولایت  دکرنې ریاست فني او مسلکي کارکوونکي هلې ځلې کوي، چې ددې ولایت بزګرو او بڼوالو ته د بېلابېلو روزنیزو پروګرامونو له لارې د ښې کرکېلې او د نباتي ناروغیو مخنیوی په اړه په دوامداره ډول عامه پوهاوی ورکړي تر څو ددوی په حاصلاتو کې زیاتوالی راشي .