خوست کې د ځنګلونو د پراختیا او بیارغونې په پار قوریې جوړېږي
۸ لېندۍ ۱۴۰۱ه.ش
۵ جمادي اﻷول ۱۴۴۴ ه.ق
د خوست دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «UNFAO» په مالي مرسته ددې ولایت د ځنګلونو د پراختیا او بیا رغونې په پار ددې ولایت په دوو ولسوالیو ځاځي میدان او باک کې د نیالګیو روزلو قوریې جوړوي.
د خوست د کرنې ریاست چارواکي وایي، چې په همدې موخه د دې ولایت د ځاځي میدان ولسوالی د الګډي ځنګل ساتنې شورا په کلیو کې درې قطعې ځمکې او د باک ولسوالی د سپرکي او توتاک کلیو د ځنګل ساتنې شورا کې هم درې قطعې ځمکې انتخای شوي دي، چې د قوریو جوړولو په پار به د یادو سیمو اړوندو کسانو ته د چهارمغزو باکیفیته تخمونه ورکول کېږي.
باید وویل شي، چې د یادو ټولنو د ځنګل ساتنې غړو ته د ځنګلونو د اهمیت او خوندي کولو په پآر اړین روزنې هم ورکړل شوي دي.
