ارزګان کې د اصلاح شویو غنمو ننداریزې کروندې جوړېږي
۷ لېندۍ ۱۴۰۱ه.ش
۳ جمادي اﻷول ۱۴۴۴ ه.ق
د ارزګان دکرنې، اوبولګولو او مالدارۍ ریاست ددې ولایت په مرکز ترینکوټ کې۲۰ تنه کروندګرو سره د ننداریز کروندو جوړولو په موخه د غنمو اصلاح شوو تخمونو او کیمیاوی سرو مرسته وکړه.
د ارزګان دکرنې ریاست چاراکي وایي، چې د ننداریزو کروندو په جوړولو سره کروندګر کولاي شي، چې خپلې تجربې یو له بل سره شریکې کړي.
دوی زیاته کړه، چې د کتار په بڼه د اصلاح شوو تخمونو کرکېله کولاي شي، چې د بزګرانو په حاصلاتو کې د پام وړ زیاتوالی راولي.د کتار په بڼه کرکېله کې د ناروغیو مخنیوی او د هرزه بوټو کنټرول په اسانې سره کېږي.
ددغو ننداریزو کروندو دجوړولو موخه نوي او میکانزه کرکیلې سره د بزګرانو بلدتیا او د دوی د کرنیزو حاصلاتو زیاتولو ته زمینه برابرول دي.
