کندهار کې د کبانو فارمونو مسوولینو سره مرستې وشوې
د کندهار دکرنې، اوبولګولو او مالدارۍ ریاست د (DAI) مؤسسې په همکارۍ ددې ولایت په صنعتي پارک کې پر کب روزونکو د کبانو خوراکي توکي او د کب نیونې توکي وېشلي دي.
دکندهار دکرنې رییس مولوی محمود مظلوم وایي، چې ددې مرستې په ترڅ کې ۱۵۲ فارم لرونکو سره مرستې وشوې چې هر فارم لرونکی ته د کبانو ۴۰ کڅوړه خوراکي توکي ورکړل شوي دي.
د ښاغلي مظلوم په خبره یادې مرستې په دې ولایت کې د کبانو پر کیفیت او کمیت مثبتې اغیزې وکړي او کب روزنکي به ترې ښه ګټه پورته کړي.
د کندهار دکرنې ریاست چارواکي وایي، چې په دې ولایت کې د کبانو ۱۷۵۰ حوضونه شتون لري، چې سږکال یې په تولید کې تر ۴۰ سلنه زیاتوالی راغلی دی.
