هلمندي کې بڼوالو ته د نباتي افتونو د مخنیوي په پار د زده کړو لړۍ پیل شو
۳۰ لړم ۱۴۰۱ه.ش
۲۶ ربیعالثاني ۱۴۴۴ ه.ق
د هلمند د کرنې، اوبولګولو او مالدارۍ ریاست ، د کرنیزو چارو امریت اړوند د بوټیو ساتنې او قرنطین مدیریت فني کارمندانو لخوا، ددې ولایت بڼوالو ته په فني ډول د بڼونو د ناروغیو او افتونو د مخنیوي لارې چارې په عملي او نظري ډول ور ښودل کېږي.
په دې روزنیزه برنامه کې، بڼوالو ته د زیان رسونکو حشراتو د له منځه وړلو او مخنیوي په هکله هر اړخیزې زده کړې ورکول کېږي.
ددې ترڅنګ د وقايوي او ترکيبي درملو او يوريا سپرې دجوړولو او استعمالولو وختونه هم بڼوالو ته ښودل کېږي.
ددې روزنیز پرورګرام موخه د مېوه لرونکو بڼونو د ناروغیو او افتونو مخنیوی او د کیفیت او کمیت له پلوه د یادو بڼونو د حاصلاتو ښه کول دي.
د هلمند دکرنې ریاست فني او مسلکي کارکوونکي هلې ځلې کوي، چې ددې ولایت بزګرو ته د کیمیاوي درملو د کارولو پر ځای میخانیکي لارې چارې وښیي تر څو په صحي او اقتصادي لحاظ ورته ګټور تمام شي.
