دکانال ریاست: د سبو کرکېلي سره د کروندګرو اقتصاد ښه شوی
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د ننګرهار د کانال ریاست چارواکي وایي، چې د یاد کانال په ډېره ځمکه د سابه کرل شوي دي، چې ورسره ددې کانال اړوند د بزګرانو اقتصادي ودې زمینه برابره شوې ده.
د کانال ریاست چارواکي وایي: «د ننګرهارکانال په ځمکه د سبو کرکیلې دودېدو نه یواځې د کروند ګرو او خلکو اقتصاد پیاوړي کړي، بلکې په دې سبو د کابل په ګډون د یو شمېر نورو ولایتونو د سبو اړتیاوې یې هم پوره کېږي.»
دوی زیاتوی: «دلته ډېری خلک اوس د خپلو ځمکو نه د سالمو ګټو اخیستلو په موخه د سبو په کرکیلې بوخت دي او له همدې لارې خپله نفقه برابروي..»
اوس د ننګرهارکانال په څلورګونو فارمونو کې د مالټې او خرماوو بڼونو ترڅنګ د غنمو، جوارو، شولو، او نورو کښتونو کروندې او دغه راز سابه هم کرل شوي دي، چې له برکته يې له یوې خوا د سبو په برخه کې د ننګرهاریانواړتیاوې کمې شوې او له بله پلوه بیا ورسره د کروندګرو اقتصاد هم ډېره وده کړې ده .
