ننګرهار کې د مالدارۍ برخې سوداګر د سوداګريز مؤلديت په برخه کې وروزل شول
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د ننګرهار د کرنې، اوبولګولو او مالدارۍ ریاست اړوند د مالدارۍ خدمتونو او څارویو روغتیا امریت سره په همغږۍ د« AVCL_ USAID » برنامې لخوا د ننګرهار، لغمان او کونړ ۱۴ تنه د مالدارۍ برخي خصوصي شرکتونو مسؤلینو ته چې د لبنیاتو پروسس، قالینو جوړولو او شاتو مچیو، کبانو او چرګانو روزنه کې فعالیت ترسره کوي، د سوداګريز مؤلديت د لا غوره، سمون او ترويج په پار دوه ورځنۍ روزنیز پروګرام دایر شو.
په دې دوه ورځنيز روزنیز پروګرام کې ګډونوالو ته دا هم وروښودل شول، چې څنګه کولای شو د سوداګريز مؤلديت د څلورو ځانګړو ابعادو (لکه خلک، محصول، پروسه، او پالیسۍ) په نظر کې نيولو سره د نوښتونو د ايجاد او ترويج په اړه د خپلو توليداتو په لګښتونو کې کمښت راولو او د تصديو توليدات په بازار کې رقابت وکړو تر څو مشتريان لا هم ډېر او د بازار پراخه ساحه تر پوښښ لاندي ونيسي.
