د ننګرهار اچین او ګوشتی ولسوالیو کې د بېرې ځنګل جوړېږي
۲۸ لړم ۱۴۰۱ه.ش
۲۴ ربیعالثاني ۱۴۴۴ ه.ق
د ننګرهار ولایت د کرنې، اوبولګولو او مالدارۍ ریاست په هڅو افغانستان لپاره د سویډن کمیټي په مالي مرسته ددی ولایت د اچین ولسوالی په ۱۵ هکتاره غير زراعتي ځمکه يا غونډيو باندې د ځنګل جوړونې په موخه د تراسونو جوړونې چارې پیل شوې. د چارو پیل مراسمو کې دسويډن کميټې مسٶلینو، داچين ولسوالی ولسوال قومي مخورو او ځوانانو حضور درلود.
د اچین ولسوالی د کرنې چارواکي وایي، چې ددې پروژې له پیل سره ګڼو کاریګرو ته د کار زمينه برابره شوه، همدارنګه به یې سیمې ته هر اړخيزه ګټه، اقليمي بدلون او طبيعي ښکلا، د شاتو توليد او ورته نورې عام المنفعه ګټې ورسېږي.
ورته مهال د ګوشتې ولسوالی په 15 شوراګانو کې 14000 د بيرو او پلوڅو بوټې د سرسبزۍ، اقليمي تغييراتو، شاتو مچیو روزلو او طبيعي ښکلا او ورته نورو عام المنفعه ګټو په موخه ووېشل شول.
دواړه ولسوالیو کې د سيمې خلکو د يادو پروګرامونو څخه خوښې څرګنده کړه او د ورته نورو پروژو د تطبیق غوښتونکي شول.
