میدان وردګو کې سلګونه کسانو ته د کار زمینه برابره شوه

۲۱ لړم ۱۴۰۱ه‍.ش
۱۷ ربیع‌الثانی ۱۴۴۴ ه‍.ق
د میدان وردګو ولایت د کرنې، اوبولګولو او مالدارۍ ریاست د « AHF/OCHA» په مالي او د «People in need» په تخنیکي همکارۍ ددې ولایت د سید آباد ولسوالی ۱۳۵۰ کسانو ته د لنډ مهالې دندې زمینه برابره کړې ده.
د چارواکو په خبره یاد کسان د ۹۰ ورځو په ترڅ کې ددې ولسوالی اړوند ویالې، لښتۍ او کانالونه پاکوي او په ترڅ کې به دوی ته د میاشتې ۸۰ ډالره ورکول کېږي.
له دې پروژې برخمن شوي کسان خوښ دي، چې په خپلو سیمو کې ورته د کار زمینه برابره شوې ده او ترڅنګ یې د دوی د کرنیزو ځمکو خړوبولو په پار د دوی ویالې او کانالونه پاکېږي.
ددې پروژې د پلي کولو موخه خلکو ته دکار د زمینې برابرولو ترڅنګ د اوبو د ضایعاتو مخنیوی او کنټرول دی.