خوست کې د دولتي ځمکو د غصب مخنیوی په پار هڅې
۱۷ لړم ۱۴۰۱ه.ش
۱۳ ربیعالثانی ۱۴۴۴ ه.ق
د خوست دکرنې، اوبولګولو او مالدارۍ ریاست چارواکي وایي، چې په دې ولایت کې د دولتي ځمکو د غصب مخنیوی په پار یې هلې ځلې ګړندي کړي دي.
دخوست ولایت دکرنې، اوبولګولواومالدارۍ ریاست په مشرۍ ددې ولایت ګڼو سیمو ته د اماراتي ځکو د غصب مخنیوي کمېټه دامارتي غصب شووځمکودتثبیت، سروې اودغصب څخه دخلاصون په موخه سفرونه کوي.
ددغو سفرونو په ترڅ کې په ډېرو سیمو کې یوشمېر غصب شوي ځمکې خلاص او عاملین یې عدلي او قضایي ارګانونو ته ور وپېژندل شوي دي.
د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده، چې مشري یې د کرنې ریاست کوي.
