د لغمان علیشنګ کې په ۳۶۳ بزګرانو د غنمو اصلاح شوي تخمونه او کیمیاوي سرې وېشل کېږي
۳۰ تله ۱۴۰۱ه.ش
۲۶ ربیعالاول ۱۴۴۴ ه.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د (Action Aid) مؤسسې په تخنیکي همکارۍ ددې ولایت د علیشنګ ولسوالی په ۳۶۳ مستحقو بزګرانو د غنمو د اصلاح شویو تخمونو او کیمیاوي سرو د وېش لړۍ پیل کړ.
په دې اړه جوړه شوې غونډه کې د لغمان دکرنې رییس مولوی محمد ولي محسن بزګرانو ته په خطاب کې وویل: «کوم اصلاح شوی دغنمو تخمونه او کیمیاوی سرې، چې تاسو ته درکول کېږي نو پکار دی چې ددې مؤسسې دمسولینو دلارښوونو سره یې سم وکرئ او ټول هغه لارښونې چې دکر څخه تر رفع حاصل پورې تاسو ته ارایه شوی دهغې مطابق ترسره شي تر څو دفي واحد ځمکې څخه لوړ او باکیفیته حاصل ترلاسه شي.»
ددې مرستې په ترڅ کې هر بزګرته ۵۰ کیلو ګرامه د غنمو اصلاح شوي تخم، ۵۰ کیلوګرامه ډي.پي.اي او ۵۰ کیلوګرامه یوریا سره ورکول کېږي.
