خوست کې د غواگانو د پوستکي ناروغۍ پر وړاندې د واکسینو کمپاین پیلېږي

۲۵ تله ۱۴۰۱ه‍.ش
۲۱ ربیع‌الاول ۱۴۴۴ ه‍.ق
د خوست دکرنې، اوبولګولو او مالدارۍ ریاست د ملګرو ملتونو دخوړو او کرنې ادارې (FAO) په همکارۍ ددې ولایت په کچه د غواګانو د پوستکي ناروغۍ یا Lumpy skin disease  پروړاندې د واکسینو کمپاین پیلوي.
د خوست دکرنې ریاست د چارواکو په خبره د یادې ناورغۍ واکسینونه ددې ولایت په مرکز او ولسوالیو کې په ۲۱ وټرنرانو وېشل شوي دي، چې د خوست ولایت په مرکز او درې ولسوالیو کې درې زره ډوزه واکسین پر غواوو پلي شي.
د خوست د کرنې، اوبولګولو او مالدارۍ رییس قاري عبدالصمد محمدي وټرنرانو څخه غوښتنه وکړه چې یاد واکسین په منظم ډول په ټاکل شوي وخت کې تطبیق کړي.
هغه دغه راز د FAO همکاري مؤسسې د کارمندانو څخه هم مننه وکړه چې تل یې د خلکو سره په وخت او لازمه همکاري ترسره کړي ده او له دوی یې غوښتنه وکړه چې خپلې همکارۍ مو همداسې جاري وساتئ په ضمن کې دوی ته ډاډ ورکړل شوو چې د کرنې، اوبولګولو او مالدراۍ ریاست رهبري او کارمندان به د خپل وس او توان مطابق د دوی سره هر راز همکاري ترسره کوي.