د لوګر دکرنې ریاست: د (FGA/WFP) مؤسسې له استازو سره پر پراختیایي پروژو خبرې وشوې
۲۳ تله ۱۴۰۱ه.ش
۱۹ ربیع‌الاول ۱۴۴۴ ه.ق
د لوګر دکرنې، اوبولګولو او مالدارۍ رییس مولوی سید امین هاشمي د خپل کار په دفتر کې د خوړو نړیوالې ادراې (WFP) د (FGA) څانګې له ستازو سره وکتل.
ددې کتنې په ترڅ کې د یادې مؤسسې راغلو استازو د احسان الله باوري په مشرۍ چې یاسین الله روان، امان الله او حمیدالله یې هم ملتیا کوله په لوګر ولایت کې د نویو پراختیایي پروژو د پیل په پار خبرې اترې وکړې.
د لوګر دکرنې رییس مولوی سید امین هاشمي وویل، چې د اسلامي امارت تر چتر لاندې ټول دولتي ادارې او بنسټونه هلې ځلې کوي، چې خپل ملت ته چوپړتیاوې وړاندې کړي، ددې کار موخه داده، چې له یوې خوا د هېواد پرمختګ او له بلې خوا خلکو ته د کار زمینه برابره شي.
د لوګر دکرنې رییس یادو استازو ته د هر راز همکاریو ډاډ ور کړ او زیاته یې کړه، چې په نږدې راتلونکې کې به په دې ولایت کې پراختیايي پروژې پیل شي.
