دکابل په یوشمېر ولسوالیو کې کرنیزې پروژې پلي کېږي
۱۹ تله ۱۴۰۱ه.ش
۱۵ ربیعالاول ۱۴۴۴ ه.ق
د کابل دکرنې، اوبولګولو او مالدارۍ رییس د افغانستان لپاره د ناورې کمېټې (NAC) استازي سره د خپل کار په دفتر کې ددې ولایت په یوشمېر ولسوالیو کې د اوبولګلوو کانالونو او کورنیو باغچو جوړولو پروژو په هکله خبرې وکړې.
په دې کتنه کې د افغانستان لپاره د ناروې کمېټې استازی وویل: «موږ په نورو ولایتونو کې هم ټولګتې پروژې پلي کوو، د کابل په ولایت کې هم غواړو چې مېرمنو لپآره د کورنیو باغچو او د اوبولګولو د کانالونو جوړولو په برخه کې پروژې پلي کړو.»
د هغه په خبره د افغانستان لپاره د ناروې کمېټې په پام کې لري، چې د کابل ولایت په سروبي، استالف، پغمان، شکردرې، بګرامي او چهار آسیاب ولسوالیو کې د څه باندې ۶۰۰ زره امریکایي ډالرو په ارزښت د کورنیو باغچو او اوبولګولو کانالونو په برخه کې پروژې پلي کړي.
ددغو پروژ په ترڅ کې نږدې ۲۴ زره کسانو ته د کار زمینه برابرېږي.
