د پکتیا دکرنې ریاست: ایټالیا هېواد ته ۱۸ ټنه پروسس شوي ځنغوزي صاردل شول
د پکتیا د کرنې، اوبو لګولو او مالدارۍ رییس مولوي عبدالروف سعید او ورسره مل پلاوي د رحیم ګردیزي د ځنغوزیو د پروسس فابریکې څخه لیدنه وکړه.
د پکتیا ولایت اړوند د رحیم ګردیزي د ځنغوزیو د پروسس د فابریکې څخه ۱۸ ټنه پروسس شوي ځنغوزي د ایټالیا هېواد ته صادر شول.
د ځنغوزیو ډک کانتینر چې په کې ۱۸ ټنه لس کیلويي کارتنه پروسس شوي ځنغوزي د یاد شرکت په رسمي لیبل او لوګو چې د انتقال لپاره آماده وو د پکتیا ولایت د مشرتابه او رهبري هیئت په حضور کې د انتقال لړۍ پیل شوه، چې د اقتصاد په دګر کې خورا ګټوره لاسته راوړنه ده.
د یادولو وړ ده، چې د رحیم ګردیزي د ځنغوزیو د پروسس فابریکه چې د سیمې په کچه يوه لویه فابریکه ده، سل ګونو کسانو ته د کار زمينې ترڅنګ د ځنغوزیو په ارزښت او مارکیټ باندې مثبته اغیزه لري.
همدارنګه د کرنې په برخه کی د نوموړي شرکت لخوا ۷۵۰ بزګرانو ته کیمیاوی سرې او د سبو مختلف تخمونه هم ووېشل شول، چي هر بزګر ته ۲۵ کیلو ګرامه سپینه، ۲۵ کیلو ګرامه توره سره او د سبو تخمونه ورکړل شول.
