د لغمان دکرنې ریاست: د حکیم اباد کانال د پاک کارۍ او بیارغونې چارې پیل شوې

۲۰ وږی ۱۴۰۱ه‍.ش
۱۴ صَفَرالمظفّر ۱۴۴۴ ه‍.ق
د لغمان دکرنې، اوبولګولو او مالدارۍ ریاست وایي، چې په دې ولایت کې د حکیم اباد کانال د پاک کارۍ او بیارغونې چارې د کار په بدل کې د خوړو پروګرام له لارې پیل شوي دي.
دغه کانال چې اوږدوالی یې، نږدې ۵ کیلومتره او پراخوالی یې ۲.۵ مترو ته رسېږي د پاک کارۍ او بیارغونې چارې یې د خوړو په بدل کې د کار پروګرام له لارې ترسره کېږي.
یاد کانال د وروستیو بارانونو او سېلابونو له وجې سخت زیانمن شوې وه، چې نږدې ۵۰۰ جریبه ځمکه یې د خړوبېدو له ستونزې سره مخ کړی دی.
ددې کانال په پاک کارۍ او بیارغونه کې نږدې ۴۰ کسانو ته د لنډمهال لپاره د کار زمینه برابره شوې ده.
د لغمان دکرنې ریاست هلې ځلې کوي، چې د بنسټیزو پروژو په پلي کولو سره د بزګرانو او مالدارنو ستونزو ته رسېدنه وکړي.