د کابل بګرامي کې حيواني روغتیاي کلینیکونه او قصابۍ وڅارل شول
۱۹ وږی ۱۴۰۱ه.ش
۱۳صَفَرالمظفّر ۱۴۴۴ ه.ق
د کابل د کرنې، اوبولګولو او مالدارۍ ریاست ددې رياست اړوند د مالدارۍ خدمتونو او څارويو روغتيا امریت مسلکي ټیم د بګرامی په ولسوالی کې حيواني روغتیاي کلینیکونواو قصابیو څخه څارنه او کنټرول ترسره کړه.
د دغه کنټرول څخه موخه داده چې د بې کيفيته او تاريخ تېرو درملو پلور، په خپل سر د هټيو پرانستل او د غير قانونې درمل او واکسینونو د واردولو او په قصابیو کې د خرابو او غیر صحي غوښو د پلور مخنیوی ووشي.
ددې څارنې په ترڅ کې د حيواني روغتیاي کلینیکونو او قصابیو اړوندو چارواکو ته لازمې سپارښتنې وشوې.
