ننګرهار کې ۲۰۷۵ بزګرانو سره نغدې مرستې وشوې
۱۵ وږی ۱۴۰۱ه.ش
۹صَفَرالمظفّر ۱۴۴۴ ه.ق
د ننګرهار دکرنې، اوبولګولو او مالدارۍ رياست د افغانستان لپاره د بشري مرستو صندق (AHF) په مالي مرسته او د اکشن آیډ موسسې په تخنیکي همکارۍ دننګرهار د شېرزاد او خوګیاڼو ولسوالیو کې دوه زره پنځه اویا تنه هغه بزګرانو ته چې د طبیعي پیښو له امله زیانمن شوي وه نغدې مرستې وېشلي دي.
د مرستې د وېش پر مهال دننګرهار د کرنې ریاست ادارې مسؤل قاري ذکریا او د ولسوالۍ د عشر او زکات مسؤل قاري اوسامه یادونه وکړه چې انتخاب شوو بزګرانو ته به د شپږو میاشتو لپاره هر یو بزګر ته پنځه زره او درې سوه افغانۍ ورکول کېږي تر څو د خپلي کورنۍ لپاره پري لومړنې توکې ترلاسه کړي.
ددې مرستې موخه د بېوزله او له طبيعي پېښو د زيانمو کورنيو ملاتړ او د دوی اقتصادي ودې ته زمينه برابرول دي.
