د رياست الوزراء اقتصادی مرستيال: د ننګرهار کانال ملي او حیاتي پروژه ده

۲۹ زمری ۱۴۰۱ه‍.ش
۲۲ محرم الحرام ۱۴۴۴ ه‍.ق
د رياست الوزراء اقتصادی مرستيال ملا عبدالغني برادر ننګرهار ولایت ته د خپل سفر په ترڅ کې د ننګرهار ولایت والي حاجي محمدنعیم اخند، د ننګرهار دکانال رییس مولوی غلام الرحمن او ددې ولایت له یوشمېر نورو چارواکو په ملتیا د ننګرهار د کانال له بېلابېلو پروژو څخه لینده وکړه.
د رياست الوزراء اقتصادی مرستيال؛ د زيتونو فابريکې، ترکانۍ«نجارۍ»، خرما بڼ او يو شمېر نورو پروژو څخه لیدنه وکړه او د چارو د لا ښه والي په پار یې اړوندو چارواکو ته لازمې لارښوونې وکړې. 
ښاغلی ملا برادر کانال ملي او حياتي پروژه وبلله او د رامنځته شويو نوښتونو له امله د مسئولينو د هڅو قدرداني وکړه.
 د رياست الوزراء اقتصادی مرستيال همدا راز يو شمېر کار کوونکي د ښو کړنو له امله په نغدو مکافاتو هم تقدير کړل.