د پکتيا دکرنې رياست:افغانستان لپاره د ناروې کمېټه په دې ولايت کې پروژې پلي کوی
۲۵ زمری ۱۴۰۱ه.ش
۱۸ محرم الحرام ۱۴۴۴ ه.ق
د پکتيا ولايت د کرنې، اوبولګولو او مالدارۍ رياست په مقام کې د افغانستان لپاره د ناروې کميټې غړو د کرنې رييس ښاغلي الحاج مولوي عبدالرؤف سعيد سره په ليدنه کې په پکتيا ولايت کې د خپلو راتلونکو پروژو په اړه مفصل معلومات شريک کړل.
د يادې کميټې ولايتي مسؤل په خپلو خبرو کې وويل په پلان کې لري، چې سږ کال د پکتيا ولايت په مختلفو ولسواليو کې بزګرانو ته ۷۸۰۰ د غنمو اصلاح شوي تخم له سپينې او تورې سرې سره توزيع، ۲۸۰۰ مېرمنو ته د کورنيو باغچو د جوړولو په موخه د تخمونه تخمونه وویشي، ۵۸۸ کورنيو ته د چرګانو فارمونه جوړ او ۲۶۵۴ بزګرانو ته د قوريې جوړونې وسايل ووېشي.
د کرنې رئیس ښاغلي الحاج مولوي عبدالرؤف سعيد په خپلو خبرو کې، دوی ته د هر راز همکارۍ د ژمنې ترڅنګ وويل چې کوښښ وکړي، په سروې کې هغه څوک انتخاب کړي، چې د سېلابونو او د Lumpy Skin ويروسي ناروغۍ څخه زيانمن شوي.
د يادولو وړ ده، چې ياده کمېټه به په نږدې ورځو کې د سروې عملي چارې هم پيل کړي.
