د پکتيا دکرنې رياست:د منډه هېر سيمې د قراردادي شرکت چارې و ارزول شوې
۱۸ زمری ۱۴۰۱ه.ش
۱۱ محرم الحرام ۱۴۴۴ ه.ق
د پکتيا ولايت د کرنې، اوبولګولو او مالدارۍ رياست په مقام کې د منډه هېر سيمې د سیلانیانو لپاره د لومړنيو اړتياوو د برابرولو په موخه د ټاکل شوې کميټې غړو د قراردادي شرکت د چارو د ارزونې ناسته د ياد رياست د رييس الحاج مولوي عبدالروف سعيد په مشرۍ ترسره شوه.
په ياده ناسته کې د کميټې د غړو له لورې په سيمه کې د قراردادي شرکت پر نيمګړتياوو او د سیلانیانو پر شکایتونو د بحث ترڅنګ د قرارداد په تمديد هم خبرې وشوې.
په پای کې د کميټې غړو د قراردادي شرکت قرارداد پينځه ورځې تمديد او د يادو پينځو ورځو په جريان کې به د ټاکل شوې کميټې له لورې د قراردادي شرکت ټولې چارې ارزيابي او له ارزونې وروسته به د زيات وخت لپاره د قرارداد د تمديد په اړه تصميم ونېول شي.
د يادولو وړ ده، چې ياده سيمه د لنډې مودې لپاره په قرارداد ورکړل شوې، ترڅو په سيمه کې سیلانیانو ته لومړنۍ اړتياوې برابرې شي.
