کابل: سروبي ولسوالۍ کې د مالدارنو د څارویو خوندي کولو په پار هلې ځلې
۸ زمری ۱۴۰۱ ه.ش
۱ محرم الحرام ۱۴۴۴ ه.ق
دکابل دکرنې، اوبولګولو او مالدارۍ ریاست وايي، چې ددې ولایت د سروبي ولسوالۍ د مالدارانو د څاریو خوندي کولو او مالدارانو ته د عامه پوهاوي په پار هڅې کړني کړي دي.
د چارواکو په خبره ددغو هلو ځلو په ترڅ کې د سروبي ولسوالی په بېلابېلو کلیو کې مالدارانو ته د پوستکې اړوند ناروغۍ «لمپیسکن ډیسیزیس، LSD» د عامه پوهاوي ترڅنګ یوشمېر څارویو ته د یادې ناروغۍ ضد واکسین ورکړي دي.
د کابل دکرنې ریاست هلې ځلې کوي، چې د مالدارانو د څاریو د خوندیتوب په پار موثرې برنامې په لاره واچوي، ترڅو د مالدارانو څاروي خوندي او د دوی د پوهې کچه لوړ شي.
