د هلمند د رېګستان سیمه کې د دوو ناورانو د بیارغولو چارې روانې دي
۲۹ چنګاښ ۱۴۰۱ ه.ش
۲۱ ذوالحجَّة ۱۴۴۳ ه.ق
دهلمند ولایت د کرنې، اوبولګولو اومالدارۍ رياست لخوا د رېګستان په سیمه کې د باراني اوبو زېرمهکولو او د کوچانو او مالدارانو د څړځایونو بیا احیا کولو په موخه د دو ناورانو د جوړولو چارې پیل شوي دي، چې ددې ولایت دکرنې ریاست لخوا ددغو ناورانو د بیارغونې ارزونه وشوه.
یاد دوه ناورونه چې د «اخند او حسن ناورونو» په نومونو یادېږي د څو لسیزو راهیسې د تخریب، ډکېدو او یا هم د له منځه تلو په حالت کې وو چې دامهال په اساسي ډول د ډاکار موسسې په تخنیکي او د UNODC موسسې په مالي همکارۍ رغولکېږي.
ددې ناورونو په رغېدو سره به په یادو سیمو کې د باران اوبه مهار شي، د ځمکې لاندې اوبه به ډیرې او د مالدارانو د مالونو لپاره د اوبو چمتو کولو ستونزه به ورسره حل شي.
په ورته وخت کې د سیمې مالداران او کوچیان وایي د څو کلونو راهیسې یې په دغو سیمو کې د مالونو د اړتیا وړ اوبو نشتوالي له امله بېلابېلو سیمو او ولایتونو ته خپل مالونه بیول ترڅو د مالونو د مرګ ومیر مخه یې ونیول شي.
دوی همدارنګه زیاتوي، چې د رېګستان په سیمو کې به راروان کال ته د کوچيانو اومالدارانو لپاره د څارويو دڅښاک اوبه زېرمه کېږي، دطبي نباتاتو او مالچرونو دبيا احیاء برخه کې به هم ګڼې اسانتیاوې ورته رامنځته شي .
دغه راز ددې پروژې په تطبیق سره به د رېګستان په سیمو کې د کوچيانو اومالدارانو لپاره د څارويو دڅښاک اوبه زېرمه او دطبي نباتاتو او څړځایونو دبيا رغونې برخه کې به هم ګڼې اسانتیاوې رامنځته شي.
