د پکتیا دکرنې ریاست: افغانستان لپاره د ناروي کمېټه دکرنې په برخه کې پروژې پلي کوي

۲۹ چنګاښ ۱۴۰۱ ه‍.ش
۲۱ ذوالحجَّة ۱۴۴۳ ه‍.ق
د پکتیا دکرنې، اوبولګولو او مالدارۍ ریاست سرپرست مولوی احسان الله احسان د افغانستان لپاره د ناروې کمېټې چارواکو ډاکټر مجروح حقیار، ذبیح الله رحمتي او روح الله امین سره وکتل.
په دې کتنه کې، چې د پکتیا دکرنیزو چارو آمر مومند خروټی هم شتون درلود، یادو چارواکو د خپلو پروژو د فعالیتونو او راتلونکو پلانونو په هکله معلومات وړاندې کړل.
د افغانستان لپاره د ناروې کمېټې چارواکو په خپلو خبرو کې وویل:«په نږدې راتلونکې کې، د پکتیا په ولایت کې د کرنې په برخه کې یوشمېر پروژې پلي کوو».
په همدې حال کې د پکتیا دکرنې سرپرست رییس مولوی احسان الله احسان له یادو چارواکو  سره د چارو د ښه تنظيم او پروژو د موثر تطبيق په برخه کې د هر راز همکاریو ژمنه وکړه او له دوی یې وغوښتل، چې خپلې پروژې د کرنې رياست سره په همغږۍ سرته ورسوي.