لوګر کې د ځمکې غصب سره د مبارزې کمېټې هڅې ګړندې شوې
۲۹ چنګاښ ۱۴۰۱ ه.ش
۲۱ ذوالحجَّة ۱۴۴۳ ه.ق
د لوګر ولایت کرنې، اوبولګولو او مالدارۍ ریاست وایي، چې ددې ولایت د دولتي ځمکو غصب سره د مبارزې د کمېټې غړي له ځایي خلکو سره وینې او د عامه پوهاوي ترڅنګ د غصب مخنیوي اړوند ورته لازمې لارښوونې کوي.
په همدې موخه د یادې کمېټې غړي د لوکر مرکز پل علم اړوند د عمر اباد کلي له سیمو څخه لیدنه وکړه او د مشرتابه د حم پر اساس هغه چارې چې په غصب شویو ځمکو کې جریان درلود بند کړل او په دې هکله خلکو ته لازمې لارښوونې وکړې.
په دې کمېټه کې اړوندو چارواکو وايي، هېڅ فرد يا ډله د دولتي ځمکو او جايدادونو د غصب حق نه لري او د سرغړونې په صورت کې به ورسره قانوني چلند وشي.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده چې مشري یې دکرنې ریاست کوي.
