لوګر کې پر يوشمېر بڼوالو د بڼوالۍ ۲۳۹بستې ووېشل شوې

۲۵لړم ۱۴۰۰
دلوګر دکرنې، اوبولګولو او مالدارۍ رياست د ياد وزارت د SNapp2 پروژې په همکارۍ ددې ولايت دکرنې رياست پر يوشمېر کارکوونکو ۱۵ عرادې موټر سايکېلونه او د لوګر مرکز پر يوشمېر بڼوالو د بڼوالۍ ۲۳۹بستې وېشلي دي.
په دې اړه جوړه غونډه کې،  د لوګر دکرنې رييس  مولوی صاحب حاجی محمد، د دواړو همکارو مؤسسو(کلپ او سنپ ټو) څخه مننه وکړه،  چې په اساس وخت کې یې له اړمنو خلګو سره مرستې وکړې اوپه راتلونکې کې یې ورڅخه دلا همکاریو هیله وکړه.
په وېشل شويو توکو کې د درمل شيندلو پمپ، زینه، اره، قېچي اود مېوو سبدونه شامل وو.
د يادونې وړ ده،  چې يادې مرستې به دلوګر ولایت  نورو والسوالیو لکه محمدآغې، برکي برک،خوښي او څرخ ته هم وغځېږي.