د درې زره هکټاره څړځایونو د بیا رغونې چارې ۴۰ سلنه بشپړ شوي دي
۲۶چنګاښ ۱۴۰۰
د کرنې، اوبولګولو او مالدارۍ وزارت راون کال د هېواد په یو شمېر ولایتونو کې د درې زره هکټاره څړځايونو د بیا رغونې چارې ۴۰ سلنه بشپړ کړي دي.
د کرنې، اوبولګولو او مالدارۍ وزارت د هېواد د پنځو ولایتونو هلمند، کندهار، سرپل، تخار او غور ولایتونو په یو هکټاره ځمکه کې د تخم په کرلو سره درې زره هکټاره څړځایونه بیارغوي، چې رغنیزې چارې یې شاوخوا ۴۰ سلنه بشپړ شوي دي.
د کرنې وزارت د څړځایونو او شنو سیمو د بیارغونې او ساتنې پار ګڼ پرګرامونه او برنامې تر دې مهاله پلي کړي دي، ترڅو د مناسب چاپېریال په را منځته کولو سره د مالدارانو په اقتصادي وضعیت کې د پام وړ بدلون رامنځته کړي.
