هلمندي بڼوالو ته دانګورو حاصلاتو راټولولو او ناروغیو کنټرول میخانیکي لارې چارې ښودل کېږي

۹ چنګاښ ۱۴۰۰
د هلمند دکرنې، اوبولګولو او مالدارۍ ریاست وایي، چې د یاد ریاست د فني کارکوونکو له خوا بڼوالو ته د انګورو حاصلاتو راټولولو او ناروغیو میخانیکي کنټرول په پار د زده کړې لړۍ پیل شوې ده.
د هملند دکرنې رییس زلمی الکو وایي، چې په دې لړۍ کې د یاد ولایت ۵۰۰ مخکښو بڼوالو ته د وړتیالوړنې په پار زده کړې ورکول کېږي.
د الکو په خبره د یاد پروګرام په پلي کولو سره بڼوالۍ د بڼوالۍ سکټور په برخه کې لا هڅول کېږي او ترڅنګ یې د انګورو حاصلاتو راټولولو او د ناروغیو کنټرول نوې لارې چارې زده کوي، چې په یادو برخو کې به اغېزناک تمام شي.
د هلمند دکرنې، اوبولګولو او مالداری ریاست هلی ځلی کوي، چې بڼونو کې ناروغۍ له میخانیکي لارې کنټرول کړي، چې د بڼوال د عواید د زیاتوالي لامل شي.