هلمند کې په پلاستکي کڅوړو کې د بیرې کرکېله پیل شوه

۲ چنګاښ ۱۴۰۰
د هلمند دکرنې، اوبولګولو او مالدارۍ ریاست له خوا په دې ولایت کې د بېرې ځنګلونو د پراختیا په پار په پلاستکي کڅوړو کې د بیرې کرکېله پیل شوه.
د هلمند دکرنې رییس زلمی الکو وایي، چې د دوی د پلان له مخې په ۱۵۰ زره پلاستکي کڅوړو کې به د بیرې نیالګي وکرل شي.
ښاغلی الکو وویل، چې د هلمند ولایت په پراخه کچه طبیعي او غیرطبیعي ځنګلونه لري، او دوی هلې ځلې کوي، چې په دې ولایت کې د بیرې ځنګلونه هم جوړ او د بیرې ونې په دې ولایت کې دود کړي.
د بیرې ځنګلونو په جوړېدو سره به کاري فرصتونه رامنځته او ترڅنګ به یې په هلمند کې د بیرې ګل شات هم تولید شي ترڅو د شاتو روزنه او تولید کی د پام وړ بدلون رامنځته شي.