کندهار ته د کرنې وزیر سفر: په جلاجلا غونډو کې د مېرمنو د سوداګرۍ او صنایعو او کانونو خونو له چارواکو سره د کرنې وزیر کتنه

mail-admin
سه‌شنبه ۱۴۰۰/۱/۱۰ - ۱۰:۵۷
کندهار ته د کرنې وزیر سفر: په جلاجلا غونډو کې د مېرمنو د سوداګرۍ او صنایعو او کانونو خونو له چارواکو سره د کرنې وزیر کتنه

۱۰ وری ۱۴۰۰
د کرنې، اوبولګولو او مالدارۍ وزیر ډاکټر انوارالحق حدي، د یوې پلاوې په مشرۍ د کندهار دکرنې وضعیت د اروزنې، د پلي شویو پروژو د ګټې اخیستنې او د نویو پروژو د پرانیستې په پار کندهار ولایت ته تللی دی. کندهار ولایت ته په دې سفر کې ښاغلی احدي، په جلاجلا غونډو کې د مېرمنو د سوداګرۍ او صنایعو او کانونو خونو له چارواکو سره وکتل.
د مېرمنو د سوداګرۍ خونې مسوولینو د کرنې وزیر سره په لیدنه کې خپلې شته ستونزې او ننګونې د کرنې وزیر سره شریکې کړې.
په دې لیدنه کې د یادو مېرمنو په استازیتوب، ناګېتي اسدي په خپلو خبرو کې وویل، چې د مېرمنو لپاره باید په کور د ننه د کار زمینه برابره شي، چې ښه بېلګه یې د شنو خونو له لارې تولیدات دي. آغلې اسدي وویل، چې مېرمنو ته د شنوخونو جوړولو په برخه کې باید لا ډېر کار ووشي او دوی ته د کرنې او مالدارۍ په برخه کې لا ونډه ورکړل شي، ترڅو بې کاره مېرمنو ته د کار زمینه برابره شي.
په همدې حال کې د کرنې وزیر ډاکټر انوارالحق احدي، د یادو مېرمنو د ستونزو تر اورېدو وروسته وویل، چې په کرنه او مالدارۍ کې د مېرمنو ګډون ډېرې اغیزناکې پایلې لري او پدې برخه کې به هر اړخیزه همکاري کوو.
ښاغلی احدي زیاته کړه، چې د شنو خونو په برخه کې باید روزنیز پراګرمونه دوام ولري تر څو هېوادوال یې په ګټو او اغېزمنتیا وپوهېږي او دا چارې بېوزلو او بې کاره مېرمنو ته د کار برابرولو او عوایدو تر لاسه کول ښه فرصت دی.
 دغه راز په یوه جلا غونډه کې، چې په ټولنیزو چارو کې د کندهار د والي مرستیال اغا لالی دستګیري هم شتون درلود، د صنعت او کانونو خونې یوشمېر غړو هم دکرنې وزیر سره و کتل او خپلې غوښتنې او ړاندیزونه یې دکرنې وزیر ته وړاندې کړل.
په دې لیدنه کې د صنعت او کانونو خونې غړي د کرنې له وزیر څخه وغوښتل، چې په صنعتي ښارګوټي کې دې د کرنې او مالدارۍ د لا پراختیا په برخه کې اسنتاوې ورته برابرې کړي، په صادراتو کې د سټنډردونو برخه کې همکارۍ، کرنیز لابراټوار جوړول او د کرنیزو او مالدارۍ شرکتونو د لا پیاوړتیا په برخه کې ځانګړي پاملرنه د دغو غړو نورې غوښتنې وې.
دغه راز د یادو خونو مسوولینو د کرنې وزیر څخه د کرنیزې ماشینرۍ، د کرنیزو محصولاتو بسته بندۍ، د مالدارۍ په برخه کې د متخصصو کسانو کمښت ستونزې هوارول، د چرګانو فارمونو او د غوښو تولید او فارمونو پیاوړتیا په برخه کې د اسانتیاوې برابرولو غوښتنې وکړې.
د خونو له غړو سره په دې لیدنه کې، دکرنې وزیر وویل، چې د کرنې دودې، صنعت او سوداګرۍ په برخه کې کندهار لوړ وړتیا لرونکی ولایت دی. د کرنې وزیر وویل، چې په یوشمېر برخو کې ستونزې شته، چې پروخت به ورته رسېدنه ووشي. ښاغلی احدي زیاته کړه، چې د دې ولایت د بزګرانو د حاصلاتو د زیاتوالي او کیفیت ښه کولو په پار به له هر اړخیزو لارو چارو کار واخیستل شي.
دکرنې وزیر د کندهار په ولایت کې د چرګانو روزنې د فارمونو د پراختیا په پار هم خبرې وکړې او وویل، چې په دې ولایت کې د چرګانو فارمونو د پراختیا په پار هم برنامې په پام کې نیول شوي دي.
په همدې حال کې د کرنې وزیر صنعت کارانو او د خونو چارواکو ته وویل، چې د کرنیزو تولیداتو په برخه کې باید معیارونه په پام کې ونیول شي، ترڅو کرنه سوداګریزه شي.

تازه ترین اخبار

شنبه ۱۴۰۵/۸/۳۰ - ۱۶:۲۲
Background image

بررسی روند توزیع تخم اصلاح‌شده پنبه اوزبیکستان برای دهاقین ولایت جوزجان

۳۰ عقرب ۱۴۰۵ هـ.ش
مولوی مصباح‌الدین مستعین رئیس توسعه غله‌جات، نباتات تیلی و صنعتی وزارت زراعت، آبیاری و مالداری، در سفر کاری به ولایت جوزجان با مولوی جان‌مراد وقار رئیس زراعت، آبیاری و. . .

شنبه ۱۴۰۵/۸/۳۰ - ۱۶:۲۰
Background image

توزیع تخم اصلاح‌شده گندم برای ۲ هزار دهقان در ولایت غور

۳۰ عقرب ۱۴۰۵ هـ.ش
ریاست زراعت، آبیاری و مالداری ولایت غور با همکاری دفتر مؤسسه سی اچ ای  در فیروزکوه، برای ۲ هزار تن از دهاقین واجد شرایط در مرکز این ولایت، تخم اصلاح‌شده گندم را پس از. . .

شنبه ۱۴۰۵/۸/۳۰ - ۱۶:۲۰
Background image

توزیع وسایل پروسس لبنیات برای ۷۴ زن مالدار در ولایت سمنگان آغاز شد

۳۰ عقرب ۱۴۰۵ هـ.ش
روند توزیع ۳۴ قلم وسایل و تجهیزات پروسس لبنیات برای ۷۴ تن از زنان مالدار در ۲۱ قریه ولسوالی خرم و سارباغ ولایت سمنگان، از سوی دفتر افغان‌اید در همکاری ریاست زراعت،. . .

BACK TO NEWS