کونړ کې د لیمو ۵۰ جریبه بڼونه جوړېږي
۶ کب ۱۳۹۹
د کرنې، اوبولګولو او مالدارۍ وزارت د بڼوالۍ ځنځیري ارزښت د پراختیا سکټوري پروژې (HVCDSP) له خوا د کونړ ولایت په درو ولسوالیو کې د لیمو ۵۰ جریبه نوي بڼونه جوړېږي.
د لیمو یاد ۵۰ جریبه بڼونه د اسیايي پراختیایي بانک (ADB) په مرسته د دوه میلیونه او ۵۰۷ زره او ۵۵۰ افغانیو په لګښت د کونړ ولایت په درو ولسوالیو کې جوړېږي.
د یادو بڼونو د جوړولو په پار د کونړ ولایت په درو ولسوالیو کې د شرایط وړ بڼوال انتخاب شوي، چې د بڼونو جوړولو تر څنګ پر دغو بڼوالو کیمیاوي سرې او کرنیزې بستې هم وېشل کېږي.
