ننګرهار کې ۳۵ چیله یي سیسټمونه ګټې اخیستنې ته وسپارل شول
۱۱ غبرګولی ۱۳۹۸
د کرنې، اوبولګولو او مالدارۍ وزارت د اقلیم بدلون د ګواښونو دکچې د ټېټولو پروژې په مرسته په ننګرهار ولایت کې ۳۵ چیله یي سیسټمونه جوړ او ګټې اخیستنې ته وسپارل. دغه ۳۵ چیله یي سیسټمونه ددې ولایت په کامه، بهسود او کوزکنړ ولسوالیو کې رغول شوي دي.
چیله یي سیسټمونه د کرکېلي نوی او پرمختللی سیسټم دی، نه یوځې دا چې کرنیز توکي له خاورې او ځمکې ساتي ترڅنګ یې د کرکېلي د سیمې د پراخېدو لامل هم کیږي.
چیله یي سیسټمونه کې ډول ډول سابه لکه رومي بانجان، بادرنګ، ترایي، کدو او داسي نور سابه کرل کیږي. د ناروغیو او افتونو د کچې ټېټوالی، د سبو د حاصلاتو د ټولولو په پار ښې لارې چارې او ډېر تولیدات ددې سیسټومونو نورې ښې ګڼې دي.÷
