ننګرهار کې ۴۳ سوداګریز قراردادونه او د لېوالتیا اسنادونه لاسلیک شول

۲۱ لړم ۱۳۹۹
د ننګرهار د کرنې، اوبولګولو او مالدارۍ ریاست له خوا ددې ولایت د کرنې او مالدارۍ سکټور د پانګونې د ملاتړ په موخه دوه ورځنۍ کنفرانس په لاره اچول شوې وه.
د یاد کنفرانس موخه ددې ولایت د کرنې او مالدارۍ په سکټور کې د پانګونې ملاتړ او په دې برخه کې شته ستونزې هوارول دي.
د ننګرهار والي ضیاالحق امرخېل، د یاد کنفرانس پر ګډونوالو غږ وکړچې په همدې برخه کې پانګونه وکړي.ښاغلی امرخېل وویل: «هېواد مو د کرکیلې لپاره مناسب اقلیم لري، په معمولي پانګونه ډېر پیداوار ترلاسه کیدای شي او
غوره پانګونه همدا ده، چې خلکو ته ډوډۍ پېدا شي.»
په همدې حال کې د ننګرهار د کرنې رییس انعام الله صافی وویل، چې ددې کنفرانس په دویمه او وروستی ورځ د بزګرانو او سوداګرو ترمنځ ۴۳ سوداګریز قرادادونه او د لېوالتیا اسنادونه هم لاسلیک شول.
د لېوالتیا په یادو اسنادو کې ٤٠ تنو پانګوالو سره د سوداګریزو شنوخونو جوړول، د جلغوزیو او چهارمغزو پروسس، کارتنونه جوړول، د بریډر چرګانو فارمونو، دچرګانو هیچري، دماهیانو هیچري او فارمونو، دغوښینو غواګانو فارمونو او سوداګریز بڼونه جوړول شامل دي.
د یادونې وړ ده، چې ددې کنفرانس په وروستی ورځ د کرنې وزارت له دویم ملي لومړیتوب څخه د ملاتړ برنامې په همکارۍ ننګرهار ولایت د ګنیو او ممپلیو د پروسس هوکړه لیکونه هم د بزګرانو او پانګوالو ترمنځ لاسلیک شول.