پکتیا کې په څه باندې ۶۰ بزګرانو د هوږې تخم وېشل شوي دي
۲۸ تله ۱۳۹۹
د پکتیا د کرنې، اوبولګولو او مالدارۍ ریاست له خوا د اړیکو دفتر په همکارۍ ددې ولایت د مرکز ګردیز په ګډون د سیدکرم، ګرده څېړۍ او وزې ځدراڼ ولسوالیو په ۶۱ بزګرانو د هوږې تخم او کیمیاوي سرې وېشل شوي دي.
د پکتیا د کرنې رییس محمدالدین موند وویل، چې په هر بزګر ۲۵ کیلو ګرامه هوږه، ۱۸ کیلو ګرامه سپینه سره، او ۱۸ کیلو ګرامه توره سره وویشل شوه.
ښاغلی مومند وویل، چې پکتیا د هوږې کرکېلي په پار مناسب اقلیم لري او ښه نتیجه یې هم ورکړې ده. هغه زیاته کړه، چې د پکتیا د کرنې ریاست هلې ځلې کوي، ترڅو د پکتیا بزګرانو ته نوي ټکنالوژۍ او د بېلابېلو سبو کرکېله دود کړي.
