میدان وردګو کې د کرنیزو زېربناوو د پراختیا ۱۹ پروژې بشپړې او ګټې اخیستنې ته وسپارل شوې

qiam_amin
یکشنبه ۱۴۰۵/۸/۳ - ۱۴:۲۳
میدان وردګو کې د کرنیزو زېربناوو د پراختیا ۱۹ پروژې بشپړې او ګټې اخیستنې ته وسپارل شوې

۳ لړم ۱۴۰۵ هـ.ش

۱۳ جُمَادَى الأول ۱۴۴۸ هـ.ق

د میدان وردګو د کرنې ریاست وایي، چې د دې ولایت د دایمیرداد ولسوالی په بېلابېلو کلیو کې د کرنیزو زېربناوو د پراختیا، د اوبولګولو د سیستمونو د پیاوړتیا او د کروندګرو او بڼوالو د ستونزو د هواري په موخه د «ډاکار»مؤسسې له لوري ۱۹ ودانیزې او کرنیزې پروژې بشپړې او ګټې اخیستنې ته وسپارل شوې.

دغه پروژې د میدان وردګو د کرنې، اوبولګولو او مالدارۍ ریاست په همغږۍ او د «ډاکار» مؤسسې له لوري د دایمیرداد ولسوالی په بېلابېلو سیمو کې پلې شوې دي، چې موخه یې د اوبولګولو د اسانتیاوو برابرول، د کرنیزو ځمکو ساتنه، د اوبو د ضایعاتو کمول او د کرنیزو فعالیتونو د پراختیا لپاره د مناسبو شرایطو رامنځته کول دي.

د دایمیرداد ولسوالی د کرنیزو چارو مدیریت د معلوماتو له مخې، په دغو پروژو کې د سرپټو کانالونو، ورخونو، استنادي دېوالونو او د اوبولګولو د لښتیو جوړول شامل دي، چې ټول ودانیزې چارې یې بشپړ شوي او د سیمې د کروندګرو او باغدارانو ګټې اخیستنې ته سپارل شوي دي.

یادې پروژې د دایمیرداد ولسوالی په نازک‌خېل، کاریز، چتو، چنګه، دوراني، بره چنګه، عادلبېک، احمدخېل، پیره سلطان‌خېل، اورمړ، ابراهیم‌زي، حاجیکه، پاره قلعه، قول‌زنګي، بخشک، بدوړ، للندر او دښتکې سیمو کې پلې شوې دي.

د دغو پروژو په چوکاټ کې د کرنیزو ځمکو د خړوبولو لپاره سرپټي کانالونه او لښتي جوړ شوي، د اوبو د منظم وېش او کنټرول په موخه ورخونه رغول شوي او د اوبو د مسیرونو د تنظیم، د خاورې د تخریب د مخنیوي او د کرنیزو ځمکو د ساتنې لپاره استنادي دېوالونه جوړ شوي دي.

تمه ده، چې د دغو پروژو په بشپړېدو سره به د اوبولګولو په سیستمونو کې د اوبو د ضایعاتو کچه راټیټه، کرنیزو ځمکو ته به د اوبو رسولو بهیر ښه او د کروندګرو او باغدارانو لپاره به د کرنیزو فعالیتونو د پراختیا زمینه لا برابره شي.

بلخوا، د یادو سیمو کروندګرو، بڼوالو او اوسېدونکو د دغو پروژو له بشپړېدو خوښي څرګنده کړې او د میدان وردګو د کرنې، اوبولګولو او مالدارۍ ریاست او ډاکار مؤسسې له هڅو یې مننه کړې ده.

د سیمې اوسېدونکو ویلي، چې د دغو پروژو په پلي کېدو سره د اوبولګولو په برخه کې د دوی یو شمېر ستونزو ته رسېدنه شوې ده. هغوی له اړوندو ادارو او همکارو بنسټونو غوښتنه کړې، چې په راتلونکي کې هم د کرنیزو زیربناوو د پراختیا، د اوبو د مدیریت او د کرنیزو ځمکو د خړوبولو په برخو کې ورته نورې پراختیايي پروژې پلې کړي.

د دایمیرداد ولسوالی د کرنیزو چارو مدیریت د دغو ۱۹ پروژو بشپړېدل د کرنیزو زیربناوو د پیاوړتیا، د اوبو د سرچینو د اغېزمن مدیریت او د کروندګرو او بڼوالو د ملاتړ په برخه کې مهم ګام بللی او د ورته پروژو پر دوام یې ټینګار کړی دی.

د یادونې وړ ده، چې د کرنې، اوبولګولو او مالدارۍ وزارت د هېواد په بېلابېلو ولایتونو کې د همکارو مؤسسو او پراختیايي بنسټونو په همغږۍ د کرنیزو زېربناوو د رغونې، د اوبولګولو د شبکو د بیارغونې، د اوبو د ضایعاتو د مخنیوي او د کروندګرو د ملاتړ په موخه بېلابېلې پروژې پلې کوي. د دغو هڅو اساسي موخه د اوبو د سرچینو اغېزمنه ګټه اخیستنه، د کرنیزو حاصلاتو زیاتوالی، د کروندګرو د اقتصادي وضعیت ښه‌والی او د هېواد د کرنې سکتور دوامداره پراختیا ده.

تازه ترین اخبار

چهارشنبه ۱۴۰۵/۸/۲۷ - ۱۵:۳۲
Background image

پیشرفت ۷۷ درصدی کار نصب سیستم آبیاری قطره‌ای در باغ‌های بادام بدیل کشت کوکنار در پکتیکا

۲۷ عقرب ۱۴۰۵ هـ.ش
کار نصب سیستم آبیاری قطره‌ای در ۲۵ جریب باغ‌های بادام مربوط به پروژه انکشافی بدیل کشت کوکنار در مرکز ولایت پکتیکا (شرنه)، به ۷۷ درصد پیشرفت رسیده است.
کارمندان ریاست. . .

چهارشنبه ۱۴۰۵/۸/۲۷ - ۱۵:۲۷
Background image

آغاز کار اعمار کانال آب زراعتی و دیوار محافظوی به طول ۵۵ متر در ولسوالی خیبر فاریاب

۲۷ عقرب ۱۴۰۵ هـ.ش
کار عملی اعمار یک باب کانال آب زراعتی به طول ۵۵ متر، همراه با دیوار محافظوی، با هماهنگی و همکاری دفتر اکتید از سوی ریاست زراعت، آبیاری و مالداری ولایت فاریاب در. . .

چهارشنبه ۱۴۰۵/۸/۲۷ - ۱۴:۰
Background image

دیدار رئیس زراعت فاریاب با هیأت سازمان خوراک و زراعت ملل متحد

۲۷ عقرب ۱۴۰۵ هـ.ش
قاری عبدالغنی شریفی، رئیس زراعت، آبیاری و مالداری ولایت فاریاب، با هیأتی از دفتر سازمان خوراک و زراعت ملل متحد در زون شمال، به ریاست احمد ضیا آریا، رئیس این دفتر،. . .

BACK TO NEWS