د قاچاقي څارویو پر وړاندې هلې ځلې، دا ځل د ۵۱ څارویو د قاچاق مخه ونیول شوه
۲۲ وری ۱۴۰۵ه.ش
۲۴ شَوّالُ المُکَرَّم ۱۴۴۷ه.ق
د کندهار د کرنې، اوبو لګولو او مالدارۍ ریاست اړوند، د مالدارۍ آمریت د معلومات له مخي، د سپین بولدک ولسوالی پر ډیورنډ فرضي کرښه د ویښو او بیداره مجاهدینو د دوامداره او چټکو هڅو په درشل کې یو ځل بیا د پاکستاني رژیم څخه کندهار ته د ۵۱ څارویو د قاچاق مخه نیول شوې ده.
د چارواکو په وینا، یادې مېښې د سپین بولدک ولسوالی د ډیورنډ فرضي کرښې له لارې په غیري قانوني او قاچاقي ډول هېواد ته رالېږدول کېدې، چې د امنیتي ځواکونو د چټک اقدام په پایله کې یې مخه ونیول شوه. او وروسته د مالدارۍ آمریت ته وسپارل شوېې. د هغوی په وینا د یاد قاچاق په تړاو یوشمېر کسان هم نیول شوي دي، چې د محکمې له پرېکړې وروسته به ورسره قانوني چلند وشي.
د یادو قاچاقي څارویو مخه په داسې حال کې نیول کېږي، چې څو ورځي وړاندې هم د کندهار په ریګستان ولسوالی ډیورنډ فرضي کرښه او سپین بولدک کې د لسګونو څارویو د قاچاق مخه نیول شوې وه.
