دکرنې وزارت لهخوا صنعت او سوداګرۍ وزارت ته ځمکه ولېږدول شوه
۲۷ کب ۱۴۰۴ه.ش
۲۹ رَمَضانُ المُبارَک ۱۴۴۷ه.ق
د کرنې، اوبولګولو او مالدارۍ وزارت د ځمکو چارو ریاست چارواکي وایي، چې د عالیقدر امیرالمؤمنین حفظه الله د فرمان له مخې د کرنې وزارت د ځمکو چارو ریاست او د صنعت او سوداګرۍ ترمنځ د ځمکې د لېږد تړونون لاسلیک شو.
په دغه ناسته کې چې د کرنې، اوبولګولو او مالدارۍ وزارت د اراضۍ ریاست د استملاک او بيا مېشتېدنې رياست کې جوړه شوې وه د استملاک او بيا مېشتېدنې رييس او د دغه ادارې کفیل مولوي عبدالعلي عمري، د ځمکو د انتقال او وېش ريیس حافظ عبدالکبير زاهد او د صنعت او سوداګرۍ وزارت د صنعتی پارکونو لوی رييس مولوي صبغت الله اخندزاده ګډون درلود.
ياده ځمکه د کرنې وزارت د ځمکو د انتقال او وېش رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لهخوا ياد وزارت ته پروان ولايت تتمدرې ولسوالی کې په ۱۰۳ جريبه ځمکه باندې د صنعتي پارک د جوړولو په موخه ولېږدول شوه.
د یادې ځمکې لېږد ټړون د کرنې وزارت اراضۍ ریاست د استملاک او بيا مېشتېدنې رييس او د دغه ادارې کفیل مولوي عبدالعلي عمري، د ځمکو د انتقال او وېش رییس حافظ عبدالکبير زاهد او د صنعت او سوداګرۍ وزارت د صنعتی پارکونو لوی رييس مولوي صبغت الله اخندزاده ترمنځ لاسلیک شو.
