هلمند کې د مالدارۍ په برخه کې د خصوصي سکتور پیاوړتیا په موخه هلې ځلې
۲۱ لړم ۱۴۰۴ هـ.ش
۲۱ جُمَادَى الأول ۱۴۴۷ هـ.ق
د هلمند ولایت د کرنې، اوبو لګولو او مالدارۍ ریاست اړوند د مالدارۍ او حیواني روغتیا آمریت آمر حافظ هدایتالله هدایت او د یاد آمریت مسلکي کارکوونکو د میوند د لبنیاتو پروسس مرکز څخه لیدنه او ارزونه ترسره کړه.
دا مرکز چې د ددې ریاست په هڅو د هالینډ کمیټې په مالي مرسته جوړ شوی، په ٢٤ ساعتونو کې د ۱۵۰۰ لیټرو شېدو د پروسس وړتیا لري.
ددغه مرکز مسؤلین هره ورځ د سیمې له مالدارانو څخه شیدې راټولوي او د صحي معیارونو سره سم یې پروسس او بازار ته وړاندې کوي.
د مالدارۍ آمریت مسئولینو د یاد مرکز له فعالیتونو، تولیدي سیستم او د لبنیاتو د کیفیت د خوندیتوب له چارو له نږدې څارنه وکړه او د لا پرمختګ لپاره یې لازمې سپارښتنې هم وکړې.
دغه مرکز د هلمند د لبنیاتو په سکتور کې مهم رول لري او د مالدارانو د عاید د لوړوالي لپاره ګټور ګام بلل کېږي.
