لوګر کې د کرنې او مالدارۍ پراختیا په پار سکټوري غونډه دائره شوه

۲۶ وږی ۱۴۰۴ هـ.ش
۲۴ رَبِیعُ الْأَوَّل ۱۴۴۷ هـ.ق
د لوګر د کرنې، اوبولګولو او مالدارۍ رییس په مشرۍ په دې ولایت کې د سکټوري اداراتو په ګډون د ټولو هغو مؤسساتو چې د کرنې او مالدارۍ په برخه کې کار کوي د استازو په ګډون سکټوري غونډه دائره شوه.
په یاده غونډه کې، چې د لوګر د کرنې رییس مولوی شیر آقا «پیر حبیب الرحمن» په مشرۍ ترسره شوه، پکې د ولایت مقام، کلیو بیا رغونی او پراختیا رياست، اقتصاد ریاستونو استازو، د کرنې، اوبو لګولو او مالدارۍ رياست آمرينو او د مرستندویه موسساتو مسؤلينو ګډون کړی وو.
د غونډې په پیل کې د لوګر د کرنې رییس مولوی شیر آقا «پیر حبیب الرحمن» د همکارو برنامو د تېرو کړنو د راپورونو او راتلونکو پلانونو له اوريدنې وروسته د همکارو برنامو له مسولينو وغوښتل، چې کرنې او مالدارۍ په برخه کې د مرستو جلبولو هڅه وکړي، همدا راز ښاغلی «حبیب الرحمن» زياته کړه چې خپلې راتلونکې پروژې د سکتوري رياستونو سره په همغږۍ په لوړ کيفيت سرته ورسوي.
همدارنګه، د غونډې په جریان کې د اوبو ضایعاتو د مخنیوي موضوع هم مطرح شوه، چې په وروستیو کلونو کې د ځمکنيو اوبو سطحه په چټکۍ سره کمېږي. په دې اړه پرېکړه وشوه، چې په کښت او مزارعو کې د اوبو د قطره یي سیستم نصب او فعال شي، همدارنګه د رسنیو له لارې د اوبو د ضایعاتو د مخنیوي په هدف عامه پوهاوی او تبلیغات ترسره شي. په ورته وخت کې، د بادنجان رومي د کښت  لپاره اړینې تدابیر هم تر سره شي، څو د سطحي او ځمکنيو اوبو ضایعات کم شي.
ورپسې د همکارو برنامو مسولينو په خپل وار سره د خپلو ترسره شويو کړنو مفصل راپور وړاندې کړ او خپل راتلونکي پلانونه يې د غونډې له ګډونوالو سره هم شريک کړل.
د یادوني وړ ده، چې د کرنې ریاست سکتوري غونډه په میاشت کي یو ځل د اداراتو او اړونده مؤسسو د لا ښې همغږۍ رامنځته کولو په موخه ترسره کېږي.