د بلخ شولګرې ولسوالی کې د بادامو بڼونه جوړېږي
۱۹ زمری ۱۴۰۴ هـ.ش
۱۶ صَفَر المُظَفَّر ۱۴۴۷ هـ.ق
د بلخ دکرنې، اوبولګولو او مالدارۍ ریاست چارواکي وایي، چې د اکشن اېډ مؤسسې په مرسته د شولګرې په ولسوالی کې یوشمېر کسانو ته د بادامو بڼونه جوړېږي.
په همدې تړاو د اکشن اېډ دفتر مسوول د شولګرې ولسوالی د کرنیزو خدماتو له مدیر سره په لیدنه کې وویل، چې د یادې ولسوالی په دوو کلیو کې به شپږو کسانو ته د بادامو بڼونه جوړ شي. د معلوماتو له مخې، هر بڼ به په پنځه جریبه ځمکه کې جوړېږي او هر کس ته به ۱۳۰ د بادامو نیالګي ووېشل شي.
د اکشن اېډ دفتر مسوول د کرنیزو خدماتو مدیر څخه وغوښتل، چې د دغو بڼونو د جوړولو لپاره وړ او مناسب کسان ور وپېژني، تر څو پروژه په بریالیتوب سره پلي شي.
