ننګرهار کې په څلورو کتګوریو کې ضبط شوي غرني لرګي د ازادې بولۍ په ترڅ کې وپلورل شو
۱۹ زمری ۱۴۰۴ هـ.ش
۱۶ صَفَر المُظَفَّر ۱۴۴۷ هـ.ق
ننګرهار کې د بېلابېلو اداراتو له لورې د ټاکل شوي کمېټې په شتون کې په یاد ولایت کې نیول شوي او ضبط شوي غرني لرګې د لسو سوداګرو ترمنځ د ازادې بولۍ په ترڅ کې و پلورل شو.
دلرګیو د پلور کمېټي مسؤل او د ننګرهار کرنې، اوبو لګولو او مالدارۍ رییس مولوي محمد ولي محسن وویل، چې په څلورو کټګوریو کې لرګې وپلورل شو، چې لومړی کټګوری في فټ په ۱۲۱۰ افغانۍ دوهمه کټګورې په ۷۳۰ افغانۍ، دریمه کټګورې په ۴۵۵ افغانۍ او څلورمه کټګورې في من په ۱۴۵ افغانۍ وپلورل شو.
د ننګرهار د کرنې رییس زیاته کړه، چې په نږدې ورځو کې به ګټوونکو سوداګرو ته د کمېټې د غړو په شتون کې فټواري ترسره او سوداګرو ته به لرګې وسپارل شي.
